30.07.2014- Mercedes A45 AMG gücləndi - FOTO

30.07.2014-  Mercedes A45 AMG gücləndi - FOTOArtıq “Mercedes A-Class”-ın 3-cü nəslinin tamamlanması ilə məşhurlaşmış “VATH Automobiltechnik GmbH” şirkəti AMG bölməsindən A45 versiyasını gücləndirib.
Auto.az bildirir ki, istənilən vaxt əsl sportkarlara qarşı çıxa bilən idman xarakterli kiçik 5-qapılı hetçbek alman tüninq ustalarının əməyi sayəsində daha güclü və cəld olub, idarəetməsi yaxşılaşdırılıb.
Seriyalı avtomobildə quraşdırılan bugünün ən güclü 2,0-litrlik mühərrikinin faydalı iş əmsalını artırmaq üçün “VATH” mexanikləri idman katalizatorları və səs tənzimləmə klapanları ilə təchiz edilmiş paslanmayan xüsusi “45 EVO” sistemi quraşdırıblar, elektron idarəetmə blokunun proqramını tənzimləyiblər.

Nəticədə mühərrikin gücü 360-dan 425 a.g., fırlanma anı isə 450-dən 515 Nm-ə qədər artıb. Sportkarın dinamikası barədə məlumat verilmir, lakin baza nümunəsi yüzlüyə 4,6 saniyəyə çatır və maksimal olaraq 250 km/saat sürət yığır.







Fikirlər