Akademik Cəmil Əliyev
20-04-2016, 13:28
Azərbaycan Respublikası Səhiyyə Nazirliyi Milli Onkologiya Mərkəzinin direktoru, Azərbaycan Milli Elmlər Akademiyası və Beynəlxalq Elmlər Akademiyasının akademiki Cəmil Əliyev Beynəlxalq Elmlər Akademiyasının yüksək mükafatı – Nobel mükafatı laureatı Pavlov adına Qızıl döş nişanı ilə təltif olunub.
Moderator.az akademiyanın rəsmi saytına istinadən xəbər verir ki, Milli Onkologiya Mərkəzində keçirilən təntənəli təqdimat mərasimində BEA-nın prezidenti, akademik Valter Koflerin akademik Cəmil Əliyevə ünvanladığı təbrik məktubu səsləndirilib. Təbrik məktubunda akademik Valter Koflerin akademik Cəmil Əliyevi BEA-nın bütün üzvləri adından 70 illiyi münasibətilə təbrik edib.
Mərasimdə BEA Azərbaycan bölməsinin adından akademik Cəmil Əliyevə Beynəlxalq Elmlər Akademiyasının yüksək mükafatı – Nobel mükafatı laureatı Pavlov adına Qızıl döş nişanı təqdim edilib.
Geri qayıt