Türkiyə Böyük Millət Məclisində qalmaqal yaşanıb.

Publika.az xəbər verir ki, yeni sistemin daxili işlər naziri təyin edilən Süleyman Soylu and içərkən Cümhuriyyət Xalq Partiyasından olan millət vəkilləri salonu tərk edib.

Qeyd edək ki, əvvəlki dövrdə də daxili işlər naziri postunda olan və tez-tez CHP-li millət vəkilləri ilə qarşı-qarşıya gələn Süleyman Soylu şənbə günü Milli Məclisdə çıxış edərkən CHP-li millət vəkilləri arxasını çevirmişdi.

Millət vəkillərinin bu reaskiyasına səbəb kimi nazirin “valilərə təlimat göndərdim: CHP-nin üzvlərini bundan sonra şəhidlərin yas mərasimindəki protokola daxil etməyin. Onların gedəcəyi bir yer var - PKK mənsublarının yası. Sandıqda bərabərdirlərsə, yasda da olacaqlar” çıxışı göstərilib.