Türkiyə İŞİD-ə ilk dəfə havadan zərbə endirdi
Türkiyə Hərbi Hava Qüvvələrinin (HHQ) döyüş təyyarələri ABŞ-ın başçılıq elədiyi koalisiyada ilk dəfə olaraq İŞİD terror qruplaşmasına aviazərbələr endirilməsində iştirak edib.
Musavat.com-un məlumatına görə, bu barədə “Reuters” Türkiyə XİN-dəki mənbəyə istinadən xəbər yayıb.
“Bizim qırıcılarımız ötən gecə koalisiya qüvvələri ilə birgə Suriyada bizim də təhlükəsizliyimizə təhlükə yaradan İŞİD qruplaşmasına qarşı hava əməliyyatlarında iştirak edib” – xəbərdə bildirilir.
Türkiyə təyyarələrinin əməliyyatlarda iştirakı avqustun 24-də ABŞ-lə əldə edilmiş anlaşmadan sonraya təsadüf edir.
