Rusiyada bir gündə koronavirusdan rekord

Rusiyada son sutka ərzində koronavirus səbəbindən daha 119 nəfərin həyatını itirməsi ilə ölüm hallarının günlük sayında rekord qeydə alınıb.

“AzerTaym.az" qafqazinfo-ya istinadən xəbər verir ki, bu barədə Rusiya hökumətinin koronavirusla mübarizə üzrə operativ qərargahının internet saytında açıqlama verilib. Ölkədə ötən gün ərzində daha 9200 nəfərdə koronavirusa yoluxma faktının aşkarlanması ilə yoluxanların ümumi sayı 272 043-ə çatıb. Bildirilib ki, ölkə üzrə aktiv koronavirus xəstələrinin sayı 206 340 nəfər təşkil edir. Ümumilikdə 63 166 pasiyent isə sağalaraq evinə buraxılıb.