Əsas Səhifə > Dünya > RUSİYAda yoluxanların sayı 600 mini ötdü - Qonşu ölkələrdə

RUSİYAda yoluxanların sayı 600 mini ötdü - Qonşu ölkələrdə


25-06-2020, 10:45

Rusiyada yoluxanların sayı 600 mini ötdü

 Rusiyada son sutka ərzində daha 7 176 nəfərdə koronavirusa yoluxma faktının aşkarlanması ilə yoluxanların ümumi sayı 606 min 881-ə çatıb.

 Bu barədə Rusiya hökumətinin koronavirusla mübarizə üzrə operativ qərargahının internet saytında açıqlama verilib. Bildirilib ki, ölkə üzrə aktiv koronavirus xəstələrinin sayı  229 min 546 nəfər təşkil edir.

Ötən gün ərzində xəstəlik səbəbindən daha 154 nəfərin həyatını itirməsi ilə ölüm hallarının sayı 8 513-ə çatıb. Ümumilikdə 368 min 822 pasiyent isə sağalaraq evinə buraxılıb.

Gürcüstanda sutka ərzində 3 nəfərdə koronavirusa yoluxma faktı aşkarlanıb.

Bu barədə Gürcüstanda koronavirusla mübarizə çərçivəsində yaradılmış “Stopcov.ge” internet portalında məlumat verilib. Bununla ölkə üzrə xəstəliyə yoluxanların sayı 914-ə çatıb. Xəstəlik səbəbindən 14 nəfər həyatını itirib, 768 nəfər isə sağalaraq evinə buraxılıb.

Ermənistanda sutka ərzində daha 711 nəfərdə koronavirusa yoluxma faktı aşkarlanıb.

Bu barədə ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib. Yoluxanların ümumi sayı 21 717-yə çatıb.

Xəstəlik səbəbindən həyatını itirənlərin sayı daha 14 nəfər artaraq 386-ya çatıb. Ümumilikdə 10 797  pasiyent müalicə olunaraq sağalıb, 10 404  xəstənin müalicəsi davam etdirilir.

Qeyd edək ki, Ermənistanda epidemiyaya görə martın 16-dan etibarən tətbiq olunan fövqəladə vəziyyət rejimi 13 iyula qədər uzadılıb. /“Qafqazinfo”


Geri qayıt