AZƏRBAYCANDA 222 nəfər qidadan zəhərlənib

Aprel ayı ərzində 39 qida zəhərlənməsi üzrə 49 nəfər zəhərlənib.

Səhiyyə Nazirliyi Respublika Gigiyena və Epidemiologiya Mərkəzindən Modern.az-a verilən məlumata görə, bu ilin  4ayı ərzində əhali arasında 182 qida zəhərlənməsi və 222 nəfər zərərçəkən qeydə alınıb.

 

Ötən müddət ərzində ölkə üzrə qeydə alınan 22 botulizm hadisəsi nəticəsində 27 nəfər botulizmlə xəstələnib. Ötən ay ölkə üzrə qeydə alınan 3 botulizm hadisəsi nəticəsində 3 nəfər botulizmlə xəstələnib.

 Qida zəhərlənmələri, əsasən, ev şəraitində hazırlanan qidalardan, kustar üsulla hazırlanmış konservləşdirilmiş məhsullardan baş verib. 

Xatırladaq ki, ötən il ərzində Azərbaycan ərazisində 659 qida zəhərlənməsi hadisəsi qeydə alınıb. Qida zəhərlənmələri nəticəsində 912 nəfər zərərçəkən qeydə alınıb.

Ötən il botulizm nəticəsində 3 nəfər dünyasını dəyişib.






Fikirlər