BDU-nun vyetnamlı məzunları universitetdə

BDU-nun vyetnamlı məzunları universitetdə

Vyetnam Milli Assambleyasının sədr müavini Uong Chu Luunun rəhbərlik etdiyi nümayəndə heyəti Bakı Dövlət Universitetində olub.

Universitetin mətbuat və informasiya şöbəsindən  verilən məlumata görə, rektor Abel Məhərrəmov bu ali təhsil ocağının 100 illik yubiley ərəfəsində olduğunu deyərək onun tarixi, beynəlxalq əlaqələri barədə məlumat verib.

Rektor Azərbaycan-Vyetnam əlaqələrinin yüksələn xətlə inkişaf etdiyini vurğulayaraq təhsil sahəsində yeni layihələrin həyata keçirilməsinin önəmli olduğunu bildirib. Belə ki, universitetdə ərəb, fars, türk, ibri, urdu, yapon, çinvə koreya dilləri üzrə mərkəzlərin olduğunu, vyetnam dili və ədəbiyyatının tədrisi istiqamətində birgə addımların atılmasının da faydalı ola biləcəyini qeyd edib.

Vyetnam Milli Assambleyasının sədr müavini Uong Chu Luu, öz növbəsində, məzunu olduğu bu ali təhsil ocağında yenidən olmasından məmnunluğunu ifadə edib. Vyetnamdan 4 minədək məzunun Azərbaycan universitetlərini bitirdiyini, nümayəndə heyətində iştirak edənlərin əksəriyyətinin də BDU məzunu olduqlarını diqqətə çatdırıb.

Görüşdə Vyetnam universitetləri ilə əlaqələrin yaradılması, elm və təhsil sahəsində müəllim-tələbə mübadiləsi, Vyetnam dilinin tədrisi və s. mövzular ətrafında fikir mübadiləsi aparılıb.

Daha sonra nümayəndə heyəti universitetin elmi-tədqiqat laboratoriyalarında, muzeylərində, Hüquq fakültəsində olub, xatirə şəkilləri çəkdiriblər.AzerTaym.az






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi