Əsas Səhifə > Əsas xəbərlər > Azərbaycanda multimilyonerlərin sayı açıqlandı:
Azərbaycanda multimilyonerlərin sayı açıqlandı:13-09-2016, 13:50 |
Daşınmaz əmlak üzrə Londonda mənzillənmiş nüfuzlu beynəlxalq şirkət olan Knight Frank LLC-nin “The Wealth Report” adlı hesabat yayıb. 2015-ci il ərzində dünyada 30 milyon dollar və daha çox kapitala malik olan varlıların ümumi sərvəti 20.8 trilyon dollardan 19.3 trilyon dollara qədər azalıb. Multimilyonerlərin sayı isə 5500 nəfər azalıb. 2015-ci ilin sonlarına olan məlumata görə dünyada şəxsi sərvətinin həcmi 30 milyon dollar və daha çox olan 187.5 min adam var. Ötən il belələrinin sayının azalması fond indekslərinin aşağı düşməsi, dünya daşınmaz əmlak bazarında vəziyyətin pisləşməsi, habelə neftin və digər xammalın kəskin ucuzlaşması ilə bağlıdır. Hesabatda deyilir ki, son illər dünyada varlıların sayı sürətlə artdığından onlarıns sayının ötən il 5.5 min nəfər azalması ümumi trendi dəyişməyib. Belə ki, 2015-ci ildə multimilyonerlərin sayı 2005-ci ildəkindən 61 faiz çoxdur. Varlıların sayının ən sürətli artdığı ölkələr arasında birinci yerdə Monqolustan gəlir-2005-ci ildən bu yana həmin ölkədə multimilyonerlərin sayında 475 faiz artım olub. İkinci yerdə isə 444 faiz artımla Azərbaycan gəlir. Vyetnam 354 faizlə üçüncü yerdədir. Geri qayıt |