Əsas Səhifə > Əsas xəbərlər > Ermənistan Günnüt əməliyyatından sonra
Ermənistan Günnüt əməliyyatından sonra22-06-2018, 20:55 |
Şair Ramaldanov: “Rəsmi Yerevan əhali arasında gərginlik yaranmasından qorxurdu” Məhz Laçına gedən yola Azərbaycan Silahlı Qüvvələrinin nəzarət etməsi Günnütün azad edilməsi ilə bağlı bir çox yaxşı məqamları ortaya qoyur. Hərbi ekspert, ehtiyatda olan polkovnik Şair Ramaldanov Modern.az-a açıqlamasında deyib ki, Laçına gedən yola nəzarət edilməsi strateji məsələdir. “Hər bir qarış torpağımızın işğaldan azad olunması çoxdankı arzularımızın bu formada yerinə yetirilməsidir. Müdafiə naziri Zakir Həsənov da çıxışında vurğuladı ki, Laçına gedən yola ordumuz nəzarət edir. Yəni o yol çox vacib yoldur və Azərbaycan Silahlı Qüvvələrinin nəzarətinə keçib. Hətta Ermənistan mətbuatı belə bu haqda yazdı. Guya onlar humanistlik göstərərək bir qrup Naxçıvan sakininin öz yaxınlarının qəbirlərini ziyarət etməsi üçün koridor yaradıblar. Guya onların icazəsi ilə sakinlər Günnütə gediblər. Bunu da ona görə edirdilər ki, erməni əhali hiddətlənməsin. Ermənistanın dövlət sərhəddini keçməmək şərtilə, Azərbaycan bölmələri bizə aid olan həmin istiqamətdə torpaqları işğaldan azad edərək, öz mövqelərini irəli çəkdilər. Videomateriallardan da görünür ki, Ermənistan ərazisi Azərbaycan bölmələrinin vizual nəzarəti altına keçib. Burada Ermənistanın bir neçə yaşayış məntəqəsi var. Əsas da Laçına gedən yolu vizual şəkildə Azərbaycan bölmələri müşahidə edə bilir. Əgər sabah o yoldan Azərbaycana qarşı hər hansı təhlükə olarsa, təbii ki, o yol Azərbaycan bölmələri tərəfindən müdafiə olunacaq. Nəzarət o deməkdir ki, əldə olan silahlar o yolu vurmağa imkan verir”.
Hərbi ekspert Günnüt hadisələrinin ictimaiyyətdən gizli saxlanılması barədə də söz açıb. Naxçıvanda gedən döyüşlərdə bir əsgərimiz şəhid oldu. Həmin vaxt Naxçıvan istiqamətində hazırlıq tədbirləri gedirdi. Sadəcə, əraziləri itkisiz ələ keçirtmək və ərazilərə nəzarəti təmin etmək yolu seçilmişdi. Həmçinin, həmin vaxtlar Ermənistanda siyasi vəziyyət də gərgin idi. Naxçıvanda olan rəhbərlik hərbi savad çərçivəsində düzgün kəşfiyyat aparmış, hazırlıq səviyyəsini dəqiq qurmuş, itkisiz qələbəyə nail olmuşdu. Ordumuz atəşkəsin tələblərinə uyğun olaraq düşmənin qüvvələrini geri çəkilməyə məcbur etdi. Nəticədə 11 min hektar ərazi işğaldan azad edildi. Bura yaşayış məntəqəsi, şərab zavodunun ərazisi, strateji yüksəkliklər daxildir”. Geri qayıt |