Sürücülük vəsiqələrinin verilmə qaydaları dəyişdirildi- YAŞ HƏDDİ QALDIRILDI
Sürücülük vəsiqələrinin verilmə qaydaları dəyişdirildi.
18-03-202417-03-202416-03-2024
Gununsesi. info xəbər verir ki, parlamentin payız sessiyasının ilk plenar iclasında “Yol hərəkəti haqqında” qanuna dəyişikliklər məsələsi müzakirə olunub.
Qanuna dəyişikliklər barəsində parlamentariləri məlumatlandıran Hüquq siyasətivə dövlət quruculuğu komitəsinin sədri Əli Hüseynli bildirdi ki, bu dəyişikliklərə əsasənnəqliyyat idarəetmə vasitələrinə sürücülük vəsiqəsinin verilməsində yaş həddinin artırılması nəzərdə tutulur. Belə ki, qanunda nəzərdə tutulduğu kimi “B” kateqoriyasına daxil olan nəqliyyat vasitələrini idarə etmək istəyənlər sürücülük vəsiqəsini 19 yaşında əldə edə bilərlər. Bu vəsiqəni əldə edəcək şəxslərin təcrübəsi isə bir ildən az olmamalıdır.
“CE” kateqoriyasına daxil olan nəqliyyat vasitələrini idarəetmə hüququ – 21 yaşdan yuxarı şəxslərə veriləcək və C” kateqoriyasına daxil olan nəqliyyat vasitələrini idarə etmək sahəsində təcrübə üç ildən az olmamalıdır.
“D” kateqoriyasına daxil olan nəqliyyat vasitələrini idarəetmə hüququ – 23 yaşdan 65 yaşadək olan şəxslərə veriləcək. Bu şəxslərin də avtonəqliyyat vasitələrini idarə etmək sahəsində təcrübə beş ildən az olmamalıdır.
“DE” kateqoriyasına daxil olan nəqliyyat vasitələrini idarəetmə hüququ – 26 yaşdan 65 yaşadək olan vətəndaşlara veriləcək.
“D” kateqoriyasına daxil olan nəqliyyat vasitələrini idarə etmək sahəsində təcrübə üç ildən az olmamalıdır.
Qanunda nəzərdə tutulan dəyişikliklərə görə, 65 yaşından yuxarı şəxslərə sərnişindaşıma nəqliyyat vasitələrini idarə etmək hüququ verilməyəcək.
Müzakirələrdən sonra qanuna dəyişikliklər qəbul edildi.
Fikirlər
-
Reklam
-
Əsas xəbərlər
