Fədayə Laçınla BAĞLI məhkəməyə MÜRACİƏT OLUNDU

Fədayə Laçınla bağlı məhkəməyə müraciət olundu

İki nəfər məhbusun qaçmasında təqsirləndirilərək həbs olunan müğənni Fədayə Laçının barəsində həbs qətimkan tədbirinin dəyişdirilməsi üçün məhkəməyə müraciət edilib.

Fədayə Laçının vəkili Türkel Süleymanlı Publika.az-a bildirib ki, Fədayə Laçının barəsində seçilmiş həbs qətimkan tədbirinin ev dustaqlığı ilə əvəz edilməsini istəyiblər. Vəkil qeyd edib ki, müğənninin barəsində qətimkan tədbirinin dəyişdirilməsi ilə bağlı ərizəni bu gün Nəsimi rayon Məhkəməsinə təqdim ediblər.

Qeyd edək ki, bu il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova (Fədayə Laçın) təqsirləndirilən şəxs qismində cəlb olunaraq Nəsimi rayon məhkəməsinin qərarı ilə barəsində 3 ay müddətinə həbs qətimkan tədbiri seçilib. Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.






Fikirlər