Operativ Qərargahda qərarları bu şəxslər qəbul edir

Operativ Qərargah Nazirlər Kabinetinin nəzdində yaranan qurumdur və orada bütün dövlət qurumlarının nümayəndələri ən yüksək səviyyədə təmsil olunur.

Publika.az xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

Qarayeva bildirib ki, virusun yayılmasının qarşısı kifayət qədər alınıb: "Bu müddətdə dərman vasitələrinin ölkəyə gətirilməsi, xəstəxanaların hazırlanmasına nail olduq. Biz sadəcə istəyirik ki, bundan sonra rəqəmlər artmasın".

ÜST-ün Azərbaycandakı nümayəndəsi Hande Harmancı əlavə edib ki, virusun yayılması eksponsional xarakter daşıyır: "Virusa yoluxanları gördüyünüz zaman çox gec ola bilər. Virusa yoluxanlar artacaq. Heç kim özünü qorumasa, biz bunun şahidi olacağıq".