KAPİTAL Bank-ın TƏŞKİLATÇILIĞI ilə “Azərbaycanda Etika və komplayns” KONFRANSI KEÇİRİLDİ

Kapital Bank-ın təşkilatçılığı ilə “Azərbaycanda Etika və komplayns” konfransı keçirildi

Kapital Bank 6 dekabr tarixində Azərbaycanda Amerika Ticarət Palatası (AmCham) tərəfindən keçirilən Azərbaycanda etika və komplayns adlı birinci konfransın rəsmi tərəfdaşı olub.

Konfransda AmCham-ın icraçı direktoru Natəvan Məmmədova və prezidenti Nuran Kərimov, Azərbaycan Standartlaşdırma, Metrologiya və Patent üzrə Dövlət Komitəsinin sədr müavini Niyazi Rəhimov, Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin Təşkilatı və İnformasiya təminatı İdarəsinin prokuroru Elnur Hümbətov və digər rəsmi qonaqlar iştirak ediblər.

Tədbirdə həmçinin Kapital Bank-ın əməkdaşı Kamil Lətifov da çıxış edib. Çıxışı zaman maliyyə və qeyri-maliyyə təsisatlarında, xüsusilə də banklarda komplayns sisteminin qurulmasının vacibliyindən, son dövrlər ölkəmizdə komplayns sahəsinin möhkəmlənməsinə və inkişafına xüsusi önəm verilməsindən, o cümlədən Maliyyə Bazarlarına Nəzarət Palatasının bu sahəyə nəzarətinin güclənməsindən söhbət açıb. Həmçinin bildirmişdir ki, Kapital Bank-da beynəlxalq qurumların (FATF, MONEYVAL və s.) müəyyən etdiyi standartlara uyğun komplayns sahəsi qurulub və təkmilləşdirilməsi üzərində işlər aparılır.

Qeyd edək ki, tədbir zamanı çıxış edən qonaqlar Azərbaycanda tətbiq edilən biznes təcrübələrinin müvafiq qanun, qayda və etik biznes davranışı prinsiplərinə uyğunluğunun təmin edilməsi və ölkənin biznes ictimaiyyəti daxilində komplayns mədəniyyətinin inkişafı baxımından vacibliyini vurğulayıblar.

Azərbaycanda ən böyük filial şəbəkəsinə malik olan Kapital Bank, 92 filialı və 7 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi