Əməkdar artist Səbinə Babayeva əfsanəvi Şövkət Ələkbərovanın yaradıcılığına müraciət edib. “Qafqazinfo” xəbər verir ki, müğənni musiqisi Ramiz Mirişliyə, sözləri İslam Səfərliyə məxsus “Qəbahətin böyükdür” mahnısını səsləndirib. 

“Milli musiqilərimizə qarşı böyük məhəbbətim var. Buna görə də, tez-tez repertuarıma həmin ildə yazılan mahnıları daxil edirəm. Bəziləri həmin əsərləri köhnə adlandırır, amma mən onlara əsl musiqi deyirəm. Təssuf ki, o illərin musiqisi biz istədiyimiz kimi televiziyalarda fəal şəkildə yayımlanmır. Musiqimizi, mədəniyyətimizi unutmamaq bizim üçün çox vacibdir” – deyə S. Babayeva qeyd edib. 

Bu məqamda bildirək ki, ifa əməkdar artistin rəsmi “Youtube” səhifəsində yerləşdirilib.