Şeyx Əbdül Rasim Ocaqov HAQDA: "Onun mənə etdiyi yaxşılığı ÖMÜR BOYU unutmaram"

Şeyx Əbdül Rasim Ocaqov haqda: "Onun mənə etdiyi yaxşılığı ömür boyu unutmaram"

Rasim Ocaqov Azərbaycan kinosunun 45-50 illik böyük bir mərhələsini yaradan sənətkar olub. O, Azərbaycan kino tarixində milli-mənəvi dəyərlərimizi yaşadan görkəmli şəxsiyyət idi. Təsadüfi deyil ki, onun bütün filmlərində etik normalar, əxlaq və mənəviyyat həmişə yüksək səviyyədə gözlənilirdi.

Bu fikirləri tanınmış rejissor Şeyx Əbdül Mahmudov görkəmli kino xadimi Rasim Ocaqovun 85 illiyi münasibətilə Şəkidə keçirilən yubiley tədbirində jurnalistlərə müsahibəsində söyləyib.

Rasim Ocaqovla bağlı xatirələrini bölüşən rejissor deyib: “Onun mənə etdiyi yaxşılığı ömür boyu unutmaram. Moskvada rejissorluq təhsili alıb Azərbaycana qayıtmışdım. O vaxtlar film çəkmək çox çətin idi. “Qaçaq Nəbi” filminin çəkilişlərinə başlayanda Rasim Ocaqov mənə yaxınlaşıb dedi: “Sənin filminin bədii rəhbəri özüm olacağam. Qorxma, arxanda dayanmışam”. Yəni söhbət onun gənc kadrlara olan münasibətindən gedir. Filmin çəkilişləri zamanı Rasim Ocaqov yalnız iki-üç dəfə çəkiliş aparılan yerlərdə oldu. Filmi təhvil verən zaman yavaşca yaxınlaşıb mənə dedi ki, adını yaradıcı heyətin siyahısından çıxarım. Dedim ki, siz nə danışırsınız, adınızın orada olması mənim üçün böyük fəxrdir. Dedi ki, sən cavansan, başa düşmürsən. Elə biləcəklər ki, filmi mən çəkmişəm, sən isə elə-belə yalandan yanımda vaxt keçirmisən.

İndi bunu heç kim etməz. Rasim Ocaqovun böyüklüyü məhz bunda idi”.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi