Müğənni Nadir Qafarzadənin sosial şəbəkədə paylaşdığı bir fotosu tənqid olunub.

 AzerTaym.az-ın Axşam.az-a istinadən məlumatına görə, sənətçi izləyicilərinə sərt cavab verib:

"Bu bir obrazdır. Görəsən, bu obrazın altında nələr yatır? Əl çəkin artistlikdən, özünüz olun. Biz kimisə aldada bilərik, amma Allahı aldatmaq heç ağlınıza gəlməsin. Həyatda pislik edənlər, ev yıxanlar, işverənlik edənlər, onun-bunun işinə mane olanlar İnstaqramda mələk kimi görünürlər. Bir çox bəzi savadsızlar və avamlar sizə inandılar, bəs Allah?

Ondan qorxmursunuz? Mənim sözümü anlayan anlayacaq, anlamayansa... "Mən Allaham" deməklə Allah olmur. Heç olmasa, insan olun. Dediklərinin 10 faizini əməlində göstər. Mənsə ömür boyu insanlardan qorxmuşam. Geyimə gəldikdə isə, burada çox məna var. Şərhə ehtiyac duymuram. Allah birdir və təkdir. Ondan qorxun. Bir gün əməllərinizin hesabını verəcəksiniz. Unutmayın, yalanlaşar bu yer üzü, aldatmayaq bir-birimizi".