Fuad Poladovdan

Müalicəm davam edir. Özümü pis hiss etmirəm. Səhhətimlə bağlı yenilik olsa, sizləri də məlumatlandıraram.

Bu sözləri Kult.az-a Milli Onkologiya Mərkəzində müalicə alan xalq artisti və sevilən aktyor Fuad Poladov səhhəti ilə bağlı danışarkən deyib.

Görkəmli sənətkar bildirib ki, hazırda evdədir və müalicəsini evdə davam etdirir.

Qeyd edək ki, artıq bir müddətdir xalq artisti F.Poladov Milli Onkologiya Mərkəzində müalicə alır. Səs tellerində problem yaranan və danışmaqda çətinlik çəkən aktyorumuza şəfa diləyirik.