İkinci "İlham-Fərizə dastanı" 30 il sonra Tərtərdə yaşandı
13-10-2020, 16:39
90-cı ilin 20 yanvarı Azərbaycan xalqının tarixində təkcə işğalçıya qarşı ümummilli dirəniş kimi deyil, həm də qəhrəmanlıq və fədakarlıq salnaməsi kimi qaldı.
Həyat yoldaşı İlhamın namərd gülləsindən həlak olmasına dözməyən Fərizə intihar etdi və bu iki gəncin sevgi dastanı dillərə dastan oldu.
Aradan tam 30 il keçdikdən sonra buna bənzər ikinci bir olay bu gün Tərtərdə yaşanıb.
"AzerTaym.az" bildirir ki,məlumatı əslən Tərtərin Sarıcalı kəndindən olan təhlükəsizlik məsələləri üzrə ekspert İlham İsmayıl bu gün özünün feysbuk səhifəsində paylaşıb.
Onun bildirdiyinə görə Ağdərə istiqamətində gedən döyüşlərdə şəhid olmuş 95-ci il təvəllüdlü Məmmədov Mehdi Elçin oğlunun bu gün səhər saatlarında Sarıcalı kəndində dəfn mərasimi keçirilib.
Mərasim başa çatmamış xəbər gəlib ki, Şəhidimizin nişanlısı Səfərova Mələk Valeh qızı da Mehdinin yoxluğu ilə barışa bilməyərək özünə qəsd edib.
ALLAH RƏHMƏT ELƏSİN,MƏKANLARI CƏNNƏT OLSUN!
Geri qayıt