Əsas Səhifə > Siyasət > Prezident və xanımı cəbhə bölgəsinə gediblər
Prezident və xanımı cəbhə bölgəsinə gediblər2-05-2016, 09:03 |
Mayın 1-də Azərbaycan Respublikasının prezidenti İlham Əliyev və xanımı Mehriban Əliyeva Ermənistan silahlı qüvvələri ilə təmas xəttində yerləşən Tərtər, Bərdə və Ağdam rayonlarında olublar. Dövlət başçısı əvvəlcə Tərtər rayonundakı “N” saylı hərbi hissəyə gəlib. Müdafiə naziri Zakir Həsənov təmas xəttindəki son vəziyyət barədə Ali Baş Komandan İlham Əliyevə məlumat verib. Sonra prezident İlham Əliyev və xanımı Mehriban Əliyeva aprelin 27-dən 28-nə keçən gecə işğalçı Ermənistan ordusu tərəfindən iriçaplı silahlar və artilleriya qurğularından açılmış atəş nəticəsində zərər çəkmiş Tərtər şəhərində, təmas xəttinin 200 metrliyində yerləşən Qapanlı kəndində, həmçinin Ağdam rayonunun Mahrızlı kəndində olub, dağılmış evlərə baxıb, yerli sakinlərlə görüşüb söhbət ediblər. Dövlətimizin başçısı həmin evlərin tezliklə bərpa olunması ilə bağlı müvafiq tapşırıqlarını verib. Dövlət başçısı əvvəlcə Tərtər rayonundakı "N" saylı hərbi hissədə olub. Burada prezident hətbi hissədə, ön cəbhədə əsgərlərlə, təmas xəttində yaşayan sakinlərlə görüşüb.
Prezident və xanımı daha sonra Ağdam rayonunun qoşunların təmas xəttində yerləşən Mahrızlı kəndinə gəliblər.
Dövlət başçısı və xanımı Ermənistan ordusunun vəhşilikləri nəticəsində kənddə yaranmış vəziyyətlə tanış olublar.
Prezidentin səfərindən çəkilmiş fotoları təqdim edirik.
AzerTaym.az
Geri qayıt |