8 noyabr tarixində həyata keçəcək ABŞ prezident seçkilərinə namizəd Donald Trump haqqında yenə təcavüz iddiası ortaya çıxıb.

Gununsesi.info xarici mətbuata istinadən xəbər verir ki, porno ulduz Cessika Dreyk keçirdiyi mətbuat konfransında Tranpın bir gecə üçün ona 10 min dollar təklif etdiyini bildirib. Onun sözlərinə görə, bu hadisə 10 il əvvəl olub. Donald Trump isə 11 ildir ki, evlidir.

Cessika Dreyk öz açıqlamasında bunları söyləyib: “ Telefon nömrəmi istədi, verdim. Həmin gecə məni otağına çağırdı. Özümü tək yaxşı hiss etməyəcəyimibildirib 2 qadınla birlikdə  getdim. İçəri girdiyimizdə bizi qucaqladı və razılığımız olmadan hər birimizi öpdü”. Yarım saat sonra otaqdan çıxdığını bildirən Dreyk Trumpun yenidən ona zəng edib yeməyə dəvət etdiyini bildirib.

Porno ulduzu öz açıqlamasında Trumpun ona 10 min dollar təklif etdiyini iddia edib: “Mənə zəng edib 10 min dollar təklif etdilər. Təklifi  bir daha rədd etdim. İş üçün Los-Ancelese getmək məcburiyyətində olduğumu bəhanə etdim. Trump təklifi qəbul etsəm, məni özəl təyyarəsi ilə gətirə biləcəyini söylədi”.

Donald Trump isə Dreykin iddialarını uydurma və yalan olaraq dəyərləndirib.