Azərbaycan Prezidenti İlham Əliyev iyunun 25-də Mingəçevir şəhərinə səfərə gəlib.

“Qafqazinfo” xəbər verir ki, dövlət başçısı ümummilli lider Heydər Əliyevin Mingəçevir şəhərinin mərkəzində ucaldılmış abidəsini ziyarət edərək önünə gül dəstəsi qoyub.

***

“Azərbaycan” İstilik Elektrik Stansiyasının 330 və 500 kilovoltluq açıq paylayıcı qurğuları, 8 enerji bloku, İdarəetmə Dispetçer Mərkəzi, stansiyanın əsas və köməkçi sahələri, bina və qurğuları əsaslı yenidənqurmadan sonra istifadəyə verilib.

Prezident İlham Əliyev tədbirdə iştirak edib. Dövlət başçısına stansiyada yaradılan şərait barədə məlumat verilib.

***

İlham Əliyev Mingəçevirdə Dövlət Rəmzləri Muzeyinin açılışında iştirak edib. Dövlət başçısına muzeydə nümayiş etdirilən eksponatlar barədə məlumat verilib.