Tarixin ƏN BÖYÜK İNTİHARI – 912 NƏFƏRİ aldadaraq İNTİHARA SÜRÜKLƏYƏN şəxs – FOTOLAR

Constoun qətliamı” və ya başqa bir adla “Constoun kütləvi intiharı” tarixdə baş vermiş ən böyük kütləvi intihar aktıdır.

Bu qətliam 1978-ci il noyabr ayının 10-u baş verib. Qətliam zamanı 912 nəfər zəhər (Siyanür) içərək intihar edib. Bu qətliamın əsas səbəbkarı isə Cim Cons olub.

912 nəfərin beynini yuyaraq intihara sürükləyən paranoyak Cim Cons

Cim Cons 1931-ci ildə İndianada dünyaya gözlərini açıb. Psixoloji problemləri olan anası Cons dünyaya gəldikdən sonra öz yaxın çevrəsinə bir məsih doğduğunu deyir. Son dərəcə irqçi biri kimi tanınan atası isə, o zaman qaradərililəri ovlayan Ku Kluks Klan (coo cluks clan) faşist təriqətinə öndərlərik edənlərdən biri olub.

“Minval.İnfo” xəbər verir ki, belə bir ailədə böyüyən Cons hələ uşaq vaxtlarında dinə və ölümə olan marağı ilə yaşıdlarından fərqlənir. Onun uşaqlıq dostlarının dediklərinə görə Cons hələ kiçik yaşlarında heyvanlar üzərində təcrübələr aparır, heyvanları işgəncə edib öldürür, sonrada onlara yas mərasimi hazırlayırdı. Bunlardan əlavə Cons kitablara olan böyük sevgisinə görə digər uşaqlardan seçilirdi. Xüsusən tarixi şəxsiyyətlərə aid çoxlu kitab oxuyan Cons Stalin, Karl Marks və Adolf Hitleri özünə örnək seçir, özünü onlara oxşadırdı.

Kommunizm ilə tanışlığı

Cons gənc vaxtlarında Amerikada kommunist təşkilatlar çoxalmaqda idi. Kommunizm haqqında kifayət qədər biliyi olan Cons İndiana kommunist partiyasının yığıncaqlarına qatılır. Cons bu yığıncaqların xalqa kommunizm haqqında yanlış məlumatlar verdiyi, onları kommunizmdən çəkindirməyə çalışdığı qənaətinə gəlir. Bundan sonra onun ağlına ideal kommunist cəmiyyəti yaratmaq fikri gəlir. Bu məqsədlə o kilsəyə sızmağa qərar verir. 1950-ci ildə kilsə tərəfindən vaiz (keşiş) seçilir. Vaiz seçildikdən sonra ilk olaraq Cons öz adına kilsə tikdirmək üçün qapı-qapı gəzərək meymun satır.

Kilsədə tez-tez hərarətli çıxışlar edən Cons qısa zamanda bir çoxunun sevimlisinə çevrilir. Xüsusilə o dövr zorakılığa məruz qalan Afrika əsilli insanlara yardım edən Cons, öz başına insanları toplamağı bacarır. Müridlərinin sayını artıran Cons xüsusi bir təriqət yaradır və bu təriqətin adını “Xalqın ibadət ocağı” qoyur. Bu təriqət hər həftə yığıncaqlar keçirir, yığıncaqlarda çıxış edən Cons özünü insanların xilaskarı, müqəddəs biri kimi göstərir. Yığıncaqların birində o, əlil arabasına məhkum olan bir qadını sağaldır, şişləri olan bir xəstənin şişlərini çıxararaq hər kəsi şoka salır. Ancaq bunlar əvvəlcədən səhnələşdirilmiş teatrdan başqa bir şey deyildi. Belə ki, əlil arabasındakı qadının onun yardımçısı olduğu, çıxarılan şişlərin isə toyuq ciyəri olduğundan heç kəsin xəbəri yox idi.

Müridlərinin tam güvənini qazanan Cons onlara istədiyini etdirirdi. Hətta insanlar ona o qədər inanırdı ki, bir çoxu öz mülklərini, sahibi olduqları hər şeyi sataraq əldə olunan pulu təriqətə veriblər.

Cim Cons xəyalındakı cəmiyyəti yaratmaq üçün Kaliforniada “Redwood” dərəsini özünə məskən seçir. Burada 100 müridi ilə bir müddət yaşayan Cons mətbuatın və hökumətin təzyiqinə tab gətirməyərək buranı tərk etməyi qərara alır.

Mətbuatda isə Cim Cons haqqında müxtəlif xəbərlər artıq yayılmaqda idi. Xəbərlərdə isə Cons haqqında heç də yaxşı olmayan fikirlər deyilirdi. Mediada onun həb istifadə etməsi və müridlərinin bəzilərini zorladığına dair xəbərlərin yayılması onu yeni bir ideya axtarışına məcbur edir. Müridlərini itirəcəyindən qorxan Cons təriqətinin içində yeni bir təriqət yaradır. Bu təriqət digərindən də gizli olur.

Constoun (Jonestown)

Cons, onun hər dediyini etməyə hazır olan təriqət üzüvlərilə birlikdə okeanın obiri tayında Cənubi afrikanın Qayana ölkəsində meşəlik bir ərazi seçir və ora köçür. 1000-ə yaxın insan birgə çalışaraq burada qəsəbə salınır və qəsəbənin adı Constoun qoyulur. İdeal Sosialist cəmiyyət yaratmağa çalışan Cons insanlar arasında hər kəsin bərabər olduğu fikrini yayır. Qəsəbə sakinləri arasında iş planlaması edilir və hər kəsin işləməsi tələb olunur. Qəsəbənin dörd-bir bucağına səs gücləndiricilər qurulur. Bu səs gücləndiricilər vasitəsilə hər gün Consun avazları, nəsihətləri və tələbləri səsləndirilir.

Okeanın o biri tərəfində isə Consun “Sosialist cənnəti”nə maraq artmaqdaydı. Hökumət də Consu diqqətlə müşahidə edirdi. Consun bu hərəkətlərindən  narahat olan hökumət 1978-ci ildə konqresmen Leo Ryanın başcılıq etdiyi, aralarında jurnalistlərin olduğu bir heyəti Constouna göndərməyi qərara alır. Hökumətin təzyiqindən narahat olan Cons qəsəbə sakinlərinə təhlükədə olduqlarını söyləyir.

O, Amerikanın Constounluları terrorçu kimi gördüyünü, onları ələ keçirdikdə işgəncə edəcəyini yığıncaqlarında qeyd edir. Beləliklə Cons hər axşam sakinlərlə “bəyaz gecə” təlimlərini keçirir. Bu təlimlərdə ölümün heç də səsləndiyi kimi pis bir şey olmadığını deyir. Təlimlərdə insanlara su içirdir, içdiklərinin zəhər olduğunu ancaq təmiz insanlar olduqlarından onlara təsir etməyəcəyini söyləyir.

17 noyabr 1978-ci ildə Leo Ryanın başçılıq etdiyi qrup Constouna gəlir. Cons heyəti hava limanında qarşılayır və onlara qəsəbədə ziyafət hazırlayır. Səhəri gün Leo Ryana sakinlərdən biri bıçaqla hücum çəkir. Yaralanan Ryan təyyarəyə aparılır. Heyətdən əlavə 15 sakin də Consdan xəbərsiz qəsəbədən qaçmaq niyyəti ilə heyətlə birlikdə qəsəbəni tərk edir. Hadisələrdən xəbər tutan Cons hava limanına hücum edir. Leo Ryan və onunla birlikdə 5 nəfəri öldürür.

Bütün bunlardan xəbər tutan qəsəbə sakinlərinin Consa qarşı münasibəti dəyişir. Consdan qorxanların sayı artmaqda idi. Bununla belə Consa hələ də inananların sayı üstünlük təşkil edirdi. Qəsəbədə işlərin cığırından çıxdığını görən Consun ağlına dəhşətli bir fikir gəlir. Bu səfər təlimlərdə sudan yox, zəhərdən istifadə olunacaqdı.

18 noyabr Cons bütün əhalini bir yerə toplayır. Ölümə dair həmişəki çıxışlarından birini edir. Qəsəbə sakinləri, ilk olaraq uşaqlar, sonra isə böyüklər zəhər içir. İçmək istəməyənlər zorla içirdilir və ya güllələnir.

300-ü uşaq olmaqla 912 nəfər oradaca dünyasını dəyişir.

Səhəri gün bura gələn hökumət qüvvələri və jurnalistlər qan dondurucu mənzərəylə üzləşir.






Fikirlər