14.03.2014. - Səlim Müslümov Dövlət Əmək Müfəttişliyi Xidmətinə yeni rəis təyin etdi
14-03-2014, 11:38
Əmək və Əhalinin Sosial Müdafiəsi Nazirliyinazir Səlim Müslümovun müvafiq əmrinə əsasən
Dövlət Əmək Müfəttişliyi Xidmətinə yeni rəis təyin olunan Fuad Rəhim oğlu Əlizadə
ilə bağlı məlumat yayıb.
AzerTaym.az-ın Nazirlikdən aldığı məlumata görə,F. Əlizadə 26 mart 1980-ci ildə anadan olub. Azərbaycan Dillər Universitetinin Filologiya (ingilis dili) fakültəsini, Naxçıvan Dövlət Universitetinin Pedaqogika nəzəriyyəsi və tarixi fakültəsini, Azərbaycan Dövlət İqtisad Universitetinin Maliyyə və kredit fakültəsini bitirib. 2000-2001-ci illərdə hərbi xidmətdə olub.
2001-2005-ci illərdə Bakı şəhəri Yasamal Rayon İcra Hakimiyyəti aparatının İctimai təşkilatlar və siyasi partiyalarla iş şöbəsində referent, böyük məsləhətçi vəzifələrində, 2005-ci ilin aprel-iyun aylarında Azərbaycan Respublikası Dövlət Sosial Müdafiə Fondu Aparatının Beynəlxalq əlaqələr və strateji araşdırmalar şöbəsində böyük məsləhətçi, 2005-2013-cü illərdə fondun Bakı şəhəri üzrə hüquqi şəxslərlə iş departamentində audit sektorunun müdiri vəzifələrində işləyib. 14.11.2013-cü il tarixdən bu vaxtadək Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəis müavini vəzifəsində çalışıb.
Prezidentin 8 oktyabr 2012-ci il tarixli 2478 saylı sərəncamı ilə “Dövlət qulluğunda fərqlənməyə görə” medalı ilə təltif edilib.
Geri qayıt