Əsas Səhifə > Slayd > "BU NİGAHIı ilk mən İSTƏMİŞƏM"

"BU NİGAHIı ilk mən İSTƏMİŞƏM"


16-02-2018, 23:57

"Bu nikahı ilk mən istəmişəm" - Könül qızının evliliyindən danışdı

Bu dəfə "ARB Ulduz"un "Şou məkan" verilişinin qonağı müğənni Könül Kərimova olub.

Axşam.az xəbər verir ki, ifaçı qızının yeni evində qəribçilik çəkmədiyini, hətta qızının yoxluğunu hiss etmədiyini söyləyib:

"Ləman hər zaman öz otağına çəkilən, qapalı bir qız idi. Ona hərdən sual verirlər ki, sən necə qalacaqsan, rayon hara, sən hara? Elə özü yaxşı bir cavab verir, deyir ki, burda da dörd divar arasındayam, orda da dörd divar arasında oturmuşdum. Nə fərqi var ki? Qızım rahat həyatı sevən bir insan olmayıb. Qızıma da, oğluma da deyirdim ki, ikinizdən biri gəlin mənimlə harasa gedək. Hərəsi bir bəhanə ilə aradan çıxırdılar. Həmişə də incikliyim onun üstündə olub. Ona görə də qızımın evdə olmamasına alışmışam. Birdən Ləmanın adını çəkəndə, kimsə soruşanda, o zaman dərk edirəm ki, qız evdə yoxdur".

Açıqlamasında qızının və kürəkəninin bir-birilərini sevib evləndiyini söyləyən müğənni qızını məcburi evləndirdiyi şayiələri yalanlayıb:

"İndi başqa dövrdür. Mən qızımı necə məcbur evləndirə bilərəm ki? Yaxınlarım deyirdi ki, bu evliliyə razılıq vermə. Ona görə ki, qız rayona gedəcək, bu mühitdən çıxıb o mühitə necə öyrəşəcək. Müəyyən çətinliklər vardı. Mən yaxşı mənada çarəsiz qaldım. Onlar bir-birlərini sevməyə başladılar. Real bir şey etiraf edəcəm. Çünki bunu bütün rayon, qohum-əqraba bilir. Bu evliliyə ilk mənim istəyim olub. Əvvəlcədən kürəkənim qızımı, qızım da kürəkənimi görməmişdi. Bizim uşaqlar qapalı böyüyüblər. Bir gün qızımla kürəkənim məclislərin birində üz-üzə gəldilər. Həmin mərasimdən sonra gördüm ki, qızım bir təhərdir".

Bəziləri buna səbəb kimi Könül xanımın kürəkəninin məclis boyunca gülməməsini əsas gətirsələr də, müğənni onun xarakterinin bu cür olduğunu söylədi:

"Öz məclislərində elə yaxşı gülərüz idi ki. Bu, onun xarakterindən irəli gəlir. Hətta bir dəfə nişanda zarafat da etdim. Gedib yanına dedim ki, ay Orxan, biraz üzün gülsün də. Elə bilərlər ki, qızı sənə məcbur vermişəm. Gülür, gülür, sonra görürəm yenə sakit dayanır. Tanısaz, həyatda tamam başqa bir insandır".

Müğənni qızını gəlin köçürdükdən sonra, oğluna toy edib-etməməsindən də danışıb:

"Hələlik oğlumun evliliyi ilə bağlı real heç nə yoxdur. İnanın ki, hələ oğlumu evləndirməyi düşünmək belə istəmirəm. O qədər yorğunam ki. O gün biri deyir ki, oğlun Rəşad üçün nə fikirləşirsən? Cavab verirəm ki, heç nə fikirləşmirəm. Mən dincəlmək istəyirəm".

Əvvəllər oğlunun musiqiyə marağının olduğunu söyləyən sənətçi, onun bu sahədən nə üçün uzaqlaşdığını bildirib:

"Oğlum 5-ci sinifdə oxuyurdu. Fortepiano fakültəsinə qoymuşdum. Düşündüm ki, bəlkə fakültəsini dəyişim, onu ifaçılığa yönəldim. Bir gün dedim ki, oxu, qulaq asım. Uşaq başladı oxumağa. Elə gözəl ifa etdi ki, sevindiyimdən gülmək tutdu məni. Uşaq ağlamağa başladı. Dedi ki, belə nə olur olsun, dədən ölə, nənən ölə oxumayacam. Başa sala bilmədim ki, xoşuma gəldiyi üçün güldüm. Bu yaxınlarda dedilər ki, Rəşad gizli-gizli mahnı oxuyur. Səsyazmasını gətirdilər, qulaq asdım, hiss etdim ki, nəsə var".

 
  

 


Geri qayıt