Trampın xanımı Ağ Evi sonuncu dəfə bəzədi

ABŞ-ın keçmiş prezidenti Donald Trampın həyat yoldaşı Melania Trump hər il olduğu kimi yenə də Ağ Evin Milad dekorunu nümayiş etdirib.

Yenisabah.az xarici KİV-ə istinadən xəbər verir ki, bu il prezident iqamətgahını sonuncu dəfə dekorasiya etdirən 50 yaşlı birinci xanım daha təmtəraqlı və parlaq bəzəklərə üstünlük verib.

Otaqlarda müxtəlif rənglərdə bəzədilən şam ağacları nümayiş edilib. Melania iqamətgahın bəzi otaqlarının dekorasiyasında qırmızı rəngə üstünlük verib. Sosial şəbəkələrdə Ağ Evin Milad görüntülü geniş salonlarının fotoları yayılıb. İstifadəçilər ənənəvi olaraq bu il də Melanianın gördüyü işləri qiymətləndiriblər.

Axşam.az yazır ki, bir çoxları prezident iqamətgahının Milad görüntüsünü bəyənsə də, Melanianın builki seçimlərinin zövqsüz olduğunu qeyd ediblər.