“Ayaz Mütəllibov ərizəni oxuduqdan sonra ağlaya-ağlaya

“Ayaz Mütəllibov iki gün parlamentin binasından buraxılmayıb. Daxili İşlər naziri Tofiq Kərimova zəng edir ki, məni girov saxlayıblar. O da deyir, nə edim, sizi azad edim? Görün dövləti nə günə salmışdılar…”

   "AzerTaym.az" Pravda.az-a istinadən xəbər verir ki, bunu Azərbaycan Naminə Alyans Partiyasının sədri Abutalıb Səmədov deyib.

“Daxili İşlər nazirinin əsas işi prezidenti qorumaqdır. Hakimiyyəti bu dərəcədə rəzil vəziyyətə salmaq olmazdı. Mütəllibovla danışıqlar aparılır ki, istefa versin. Təzyiqlərə görə istefa verir. İstefa ərizəsini də Bəxtiyar Vahabzadə yazıb. Bəxtiyar Vahabzadə çıxışında deyib ki, ərizəni iki variantda hazırlayıb, prezidentə verib. İstefa ya müzakirə edilsin, ya da edilsməsin. Mütəllibov isə müzakirəsiz variantı seçib. Ayaz Mütəllibov ərizəni oxuduqdan sonra ağlaya-ağlaya otağına qayıdıb” – A.Səmədov bildirib.