Əsas Səhifə > Sosial > Zahid Oruc töhmət
Zahid Oruc töhmət29-06-2016, 12:20 |
Ən böyük hakim odur. Siyasi fəaliyyətimin ən böyük mükafatını almışam. Töhmət təkcə rəsmi direktivlə olmur. Onu dövlətlə on illərlə davam edən şərəfli xidmətimizin üstünə tikmək və siyasi tərcümeyi-halımızın bir səhifəsinə döndərmək mümkün deyil”.Bu sözləri Milli Məclisin son iclasındakı insidentlə bağlı İntizam Komissiyasının şifahi töhmətini şərh edən deputat Zahid Oruc bildirib.O, Heydər Əliyevi yalnız dövlətin ali icra hakimiyyəti orqanlarının deyil, parlamentinin də qurucusu olduğunu bildirib: “Ulu öndər bütün zamanların spikeridir və onun cəmi 4 aylıq parlament rəhbərliyi əsil siyasi məktəbdir. 4 iyun hadisələrindən sonra ölkədə tüğyan edən xaosa, hərbi-silahlı qüvvələrin hakimiyyət uğrunda savaşına, daxili separatizmə və xarici təcavüzə, həmçinin vətəndaş qarşıdurmasının Milli Məclisin dəhlizlərinə keçməsinə baxmayaraq, Azərbaycanı normal relslər üzərinə daşımağa nail olan Heydər Əliyev parlamentdə bir-birinə zidd olan bütün qüvvələrə öz mövqelərini izhar etmək üçün geniş meydan verirdi və bütün idarəçilyi illəri ərzində dövlət başçısı siyasi kursunun bu təməl prinsipinə dönmədən sadiq qaldı. O, heç kəsə Məclisdəki ən kəskin və sərt çıxışlarına, yaxud sədarətlə toqquşmalarına görə daxili məhkəmə qurmadı. Deputatların danışmaq hüququnu müəllimin təhsil vermək, həkimin müalicə etmək haqqı kimi fundamental hesab edirəm”. AzerTaym.az Geri qayıt |