Əsas Səhifə > Sosial > Kimlərə oruc tutmaq olmaz, sahur və iftara nə yeməli?…
Kimlərə oruc tutmaq olmaz, sahur və iftara nə yeməli?…4-05-2019, 22:45 |
Bu il Ramazan ayı isti aya təsadüf edir. Bu mübarək ayda oruc tutmaq istəyənlərin heç də hamısının sağlıq durumu buna imkan vermir. Bir çox insan həkim və din alimlərinin qadağalarını qulaqardına vurub, dini borcunu yerinə yetirməyə cəhd edir. Ona görə orucluqdan sonra xəstəxanalara xroniki xəstəlikləri ağırlaşanlar çox müraciət edir, təcili yardım isə gecə vəziyyəti ağırlaşan xəstələrin çağırışına gedir. "AzerTaym.az" medicina.az-a Ramazan barədə ən vacib tövsiyyələri təqdim edir. Hansı xəstələrə oruc tutmaq olmaz: -Aşağı təzyiq və yuxarı təzyiqi olanlar Bəs hansı xəstəliklərdə ac qalmaq faydalıdır? Diabet, hepatit və mədəaltı vəz xəstəliyi olanlar barədə fikirlər haçalanır: Bir qrup həkim şəkəri insulinlə bərpa edən, səhər və axşam insulindən istifadə edən diabet xəstələrinə orucu məqbul sayır. Çünki pəhriz, müəyyən qidalardan uzaq olmaq bu xəstələrə vacibdir. Hepatit xəstəliyi olanların da qaraciyəri aclıq və dinclikdən fayda görəcək. Bəzi xəstəlikləri yüngül formada olan, dərman qəbul etməyən insanlar qidaları elə seçməlidirlər ki, günboyu fəsadını yaşamasınlar. Məsələn yüksək təzyiqi olanlar şəkər, şirniyyat, duz, yağlı yeməklər yeməsə, təzyiqi aşağı olanlar isə əksinə, təzyiqi qaldıran qəhvə, şokolad, şirniyyat, tutumlu yeməklər yesə, günboyu özlərini normal hiss edəcək Orucluq əsasən aşırı piylənmədən əziyyət çəkənlər üçün faydalıdır. Yaxşı olar ki, oruc tutmazdan öncə səhhətinizlə bağlı şübhəniz varsa, kiçik bir tibbi müayinədən keçib, həkim tövsiyyəsi ilə Ramazana başlayasınız. Ramazan menyusu: O ki, qaldı ən vacib məqam olan imsak və iftar yeməklərinə, medicina.az tövsiyyə edir ki, səhərlər bol maye, su, pendir, kərə yağı, tərəvəzlər, suda bişmiş ət, balıq, yumurta, çörək, lavaş, xurma, meyvələrdən isə banan yeyilsin. Dərman qəbul edən şəxslər səhər ac qarına içib, daha sonra yemək yeyə bilərlər. Axşam iftarda isə dəbdəbəli, bol çeşidli süfrə açıb, mədəni doldurmağa gərək yoxdur. Əksinə, iftarda çox az qida qəbul olunmalıdır. Şirniyyatlar, meyvələr iftarda yeməkdən 1 saat sonra qəbul edilə bilər. Axşam yatanda 1 stəkan qatıq için ki, səhərə kimi həzm prosesinə kömək etsin. Bütün ət yeməkləri yüngül, yanında tərəvəzli olmalıdır. Yağlı düyü əvəzinə bulğur, qarabaşaq yeyin. İçmək üçün adi su, şəkərsiz meyvə kompotları, ayran içilməlidir. Orucluqda soyuq, buzlu və qazlı içkilər içmək olmaz.
Geri qayıt |