Bakıda yük maşını sərnişin avtobusu ilə toqquşdu - 5 ölü, 20 yaralı

Heydər Əliyev Beynəlxalq Hava Limanı - Mərdəkan avtomobil yolunun Suraxanı dairəsi adlanan hissəsində baş verən ağır yol-nəqliyyat hadisəsi zamanı 5 nəfər ölüb.

Musavat.com "Ölkə.Az"-a istinadən xəbər verir ki, hadisə yerinə təcili tibbi yardım maşınları gəlib.

Bu dəqiqəyə olan məlumata görə, xəsarət alanlardan 13 nəfərin vəziyyətinin ağır olduğu bildirilir. Ölənlərin sayının artacağı istisna edilmir.

Qeyd edək ki, Mərdəkan istiqamətində hərəkətdə olan 99 DH 343 DQN-lı “Mercedes” markalı yük avtomobili “Ayşən LTD” şirkətinin müvəqqəti istismarında olan, 171 nömrəli müntəzəm marşrut xətti üzrə 10 TH 116 DQN-lı sərnişin avtobusuna çırpılıb.