RUSİYANIN İRİ NEFT BAZASI VURULDU - Rusların itkilərilə bağlı

Rusiya Silahlı Qüvvələrinin indiyədək Ukraynada itirdiyi canlı qüvvə və texnikanın sayı məlum olub.

Ukrayna Silahlı Qüvvələrinin Baş Qərargahından bildirilib ki, döyüşlər nəticəsində Rusiyanın 21 900 hərbçisi zərərsizləşdirilib.

Bundan başqa, hücum edən tərəfin 884 ədəd tankı, 2 258 ədəd zirehli döyüş maşını, 411 ədəd artilleriya sistemi, 149 ədəd RYAS-i (reaktiv yaylım atəş sistemi), 69 hava hücumundan müdafiə sistemi, 181 ədəd hərbi təyyarəsi, 154 ədəd helikopteri, 1 566 ədəd nəqliyyat vasitəsi, 8 ədəd gəmi/kateri, 76 ədəd yanacaq çəni, 201 ədəd dronu, 28 ədəd xüsusi texnikası və 4 operativ-taktiki raket kompleksi məhv edilib.

***

Rusiyanın Bryansk vilayətindəki iki böyük neft bazasında partlayışlar baş verib. Bu barədə ukraynalı hərbi jurnalist Yuri Butusov məlumat verib.

Onun sözlərinə görə, Rusiya ordusunun HHM sistemləri növbəti dəfə zərbələr qarşısında aciz olduğunu göstərib.

***

Ətraflı

Təkcə Donetsk və Luqansk vilayətləri ərazisində son sutkada Rusiya qüvvələrinin yeddi hücumu dəf edilib.

Bu barədə Ukrayna Silahlı Qüvvələrinin Baş Qərargahının gündəlik operativ məlumatında qeyd olunub.

“On üç tank, üç artilleriya sistemi, on yeddi zirehli texnika, dörd zirehli döyüş maşını və on səkkiz avtomobil və dörd yanacaqdaşıyan məhv edilib. Hava hücumundan müdafiə bölmələri sözügedən ərazidə “Orlan-10” tipli üç pilotsuz uçuş aparatını vurub”, - məlumatda vurğulanıb.

Rusiya Müdafiə Nazirliyi ölən hərbi qulluqçuların ailələrinə təzminat ödəmələrinə mülki məmurlar deyil, hərbçilər tərəfindən nəzarət edilməsini təklif edib.

Bu barədə Böyük Britaniya Müdafiə Nazirliyinin tviter səhifəsində yazılıb.

“Bu, çox güman ki, Rusiyanın itkilərin real miqyasını gizlətmək istəyi ilə bağlıdır. Rusiya Mariupoldakı Azovstal polad zavoduna hücum etmək əvəzinə, oranı mühasirəyə alır. Bu, o deməkdir ki, şəhərdə xüsusi fəallıq yoxdur. Ukraynanın Mariupolu müdafiəsi etməsi qarşı tərəfin döyüş qabiliyyətini aşağı salıb. Biz beynəlxalq müttəfiqlərimizlə birlikdə Ukraynanı dəstəkləməkdəyik. Britaniya hökuməti Ukraynaya iqtisadi, humnaitar və müdafiə xarakterli hərbi yardım göstərir. Həmçinin biz Rusiya və Belarusa əlavə sanksiyalar tətbiq edirik”, - paylaşımda bildirilib.