Göyçay sakinindən rəis müavininə İTTİHAM: “Məni soymaq istəyənləri müdafiə edir” (FOTO)
24-11-202423-11-202422-11-2024
"Göyçay Rayon Polis Şöbəsinin rəis müavini Rövşən Babayevə nəyə görə cinayətkar barəsində tədbir görülmədən azad edilməsini sual etdim. O, cavabında bildirdi ki, "biz öz işimizi yaxşı bilirik” və məni şantaj ilə hədələməyə başladı. Son olaraq mənə bildirdi ki, "əgər bu barədə sən başqa yerlərə də müraciət etsən atana məxsus olan evi pozğunxana kimi qələmə verəcəyik” .
Bu sözləri Unikal.org-un redaksiyamıza Göyçay rayon sakini Əliyev Əhliman Loğman oğlu göndərdiyi şikayətində qeyd edib. O, idarə etdiyi avtomobilin 8 fevral 2016-cı ilə tarixdə gecə saat 02:30 radələrində bir qrup şəxs tərəfindən saxlanılması və özünün onlar tərəfindən döyülməsi faktının Göyçay Rayon Polis Şöbəsi tərəfindən gizlədilməsini və həmin şəxslərin məhz polis əməkdaşları tərəfindən himayə olunduqlarını iddia edib.
Şikayətçi yazır: "Mən Göyçay rayon Sanitar İdarəsində baş nəzarətçi vəzifəsində çalışıram. 07 fevral tarixində gecə təxminən 02:30 radələrində iş yoldaşlarımla məişət tullantılarının təmizlənməsi ilə məşğul idim. Bu zaman idarə etdiyim avtomobilin qarşısı 5 nəfər tanımadığım şəxs tərəfindən kəsilərək məni zorla avtomobildən düşürüb döyməyə başladılar. Sonra üst-başımı axtarıb maşınımı qaçırtmaq istədilər. Həmçinin əlimdə olan mobil telefonu zorla almağa çalışarkən mobil telefonumu yararsız hala saldılar. Bir neçə dəqiqə sonra məndən arxada gələn avtomobildəki iş yoldaşlarım özlərini köməyə çatdırdılar. Elə həmin vaxt ərazidə xidmət göstərən Göyçay Polis Post Patrul Xidməti də hadisə yerinə yaxınlaşdı. Vəziyyəti çətin görən soyğunçular hərəsi bir tərəfə qaçmağa başladılar. Polis nəfərləri isə onlardan birini həbs edərək polis şöbəsinə apardı. Sifət nahiyəmdə xəsarətlərin olmasına görə həmin gün səhər saatlarında tibbi ekspertizaya gedib müayinə olundum və xəsarətlər qeydə alındı”.
Rayon sakini iddia edir ki, polis şöbəsinin əməkdaşları digər qrup üzvlərini tutmaq əvəzinə saxlanılmış şəxsi də azad ediblər: "Həmin gün özüm mənə hücum etmiş şəxslərin kimlikləri barədə araşdırma aparamağa başladım. Məlum oldu ki, onlardan biri narkotik alveri ilə məşğul olan Göyçay sakini Novruzov Faiq Çingiz oğludur. F. Novruzovun əvvəllər də bu cür cinayətlərlə məşğul olduğu və polislər tərəfindən himayə olunduğu ortaya çıxdı. Məhz elə bu səbəbdən Göyçay Rayon Polis Şöbəsinə saxlanılaraq aparılmış F. Novruzov bir neçə saat sonra azad olunub”.
Ə.Əliyeviz sözlərinə görə, Göyçay Rayon Polis Şöbəsinin rəis müavini Rövşən Babayev onu hədələyib: "Nəyə görə cinayətkar barəsində tədbir görülmədən azad edildiklərini sual etdim. O, cavabında bildirdi ki, "biz öz işimizi yaxşı bilirik” və məni şantaj ilə hədələməyə başladı. Son olaraq mənə bildirdi ki, "əgər bu barədə sən başqa yerlərə də müraciət etsən atana məxsus olan evi pozğunxana kimi qələmə verəcəyik”. Rəis müavinin böhtan ataraq məni və atamı şərləmək istəməsinə mat qaldım. Bu qədər qanunsuzluğa yol verən polis əməkdaşı təsadüfi bu vəzifəyə çatıb, yoxsa əzəldən bu tip formalaşıb deyə düşündüm. Ona qısa etirazımı bildirib polis şöbəsini tərk etdim. Hal-hazırda bütün aidiyyyatı orqanlardan xahiş edirəm ki, məni soymaq istəyən quldur dəstəsi və onları himayə edən rəis müavini Rövşən Babayevin qanunsuz əməlləri barədə ciddi tədbirlər görülsün”.
Məsələ ilə bağlı Göyçay rayon Polis Şöbəsinin rəis müavini Qəhrəman Vəliyevlə əlaqə saxladıq. O, Unikal.org-a açıqlamasında bildirdi ki, deyilənlər cəfəngiyyatdır: "Bütün bunlar cəfəngiyyatdır. Mən Rövşən Babayevə deyərəm özü Sizinlə əlaqə saxlayar, məsələyə münasibət bildirər”.
Rövşən Babayevlə yanaşı yazıda adları çəkilən digər şəxslərin də mövqeyini dərc etməyə hazırıq.AzerTaym.az
Fikirlər
-
Reklam
-
Əsas xəbərlər
