BAKIDA REKTORUN EVİNƏ BASQIN – Yoldaşını döyüb,

Bakıda yaşayış evinə basqın olub.

Xətai rayon Polis İdarəsindən APA-ya verilən məlumata görə, hadisə Məhəmməd Hadi küçəsi, ev 65, mənzil 155 ünvanında qeydə alınıb.

Həmin ünvanda yaşayan, 1952-ci il təvəllüdlü Zəridə Yunusovanın yaşadığı evə girmiş 2 maskalı şəxs onun əl və ayaqlarını iplə bağlayaraq döyüb, mənzildən 65000 manat pul və 15000 manat dəyərində qızıl əşyalar aparıb.

Keçirilmiş əməliyyat-axtarış tədbirləri ilə hadisəni törədən Bakı şəhər sakini Süleyman Hüseynov, Babək rayon sakinləri Yaqubar Qasımov, Amil Şirinov və Ağdam rayon sakini Zemfira Bağırzadə tutulublar.

***

Gununsesi.info saytı xəbər verir ki, qarət olunan bu ev Dövlət Dillər Universitetinin rektor əvəzi Dünyamin Yunusovun evidir. Zəridə Yunusovaisə onun həyat yoldaşıdır. Məlumata görə, evə daxil olan oğrular rektor əvəzinin həyat yoldaşı Zəridə Yunusovanın əl və ayaqlarını iplə bağlayaraq döyüb. Daha sonra onlar mənzildən 65 000 manat pul və 15 000 manat dəyərində qızıl əşyalar aparıb.

Qarət olunan məzilə yolanan saytın əməkdaşı zərərçəkənlə söhbət etmək istəsə də, buna nail ola bilməyib. Zərərçəkənin qonşusu Yusif Nurullayevin sözlərinə görə, hadisə ötən gün səhər saat 11 radələrində baş verib. 249 saylı orta məktəbdə ingilis dili müəlliməsi işləyən Zəridə xanım dərsdən evə qayıdanda oğruların hücumuna məruz qalıb. Daha sonra özünə gələn Zəridə Yunusova Xətai rayon polis şöbəsinə məlumat verib. Mənzilə baxış keçirən istintaq qrupu oradan barmaq izləri götürüblər. Aparılmış əməliyyat tədbirləri nəticəsində şübhəli şəxs qismində Bakı şəhər sakini Süleyman Hüseynov, Babək rayon sakinləri Yaqubar Qasımov, Amil Şirinov və Ağdam rayon sakini Zemfira Bağırzadə saxlanılıblar.