Əsas Səhifə > Əsas xəbərlər > Mingəçevirdə şəhidlərin qəbirlərini işlənmiş motor yağıyla silirlər —
Mingəçevirdə şəhidlərin qəbirlərini işlənmiş motor yağıyla silirlər —11-07-2016, 13:26 |
Mingəçevir Şəhidlər Xiyabanında şəhidlərin qəbirüstü abidələrini işlənmiş mühərrik yağıyla yağlayıblar Bu barədə Ölkə.Az-a şəhid Elşən Rzayevin bacısı məlumat verib. O, bildirib ki, Şəhidlər Xiyabanında qəbirlərin sinə daşının üstü işlənmiş motor yağı ilə silinib: Mingəçevirdə atamın öz hesabına çəkdirdiyi şəhidlər bulağının suyunu kəsiblər. Xahiş edirəm, əlaqədar təşkilatlar və Mingəçevirin başında duranlar cavab versinlər. Nəyə görə qardaşımın qəbrini işlənmiş motor yağıyla siliblər?" Ölkə.az-ın əməkdaşı məsələ ilə bağlı Mingəçevir İcra Hakimiyyəti ilə əlaqə saxlayıb. İcra başçısının müavini İlham İsmayılov bu işlə şöbə müdiri Sahib Vəliyevin məşğul olduğunu bildirib. S.Vəliyev isə sözügedən məsələni ictimai birliyin üstünə yıxmaqla kifayətlənib: "Şəhidlər Xiyabanı bir ildir təmir olunub və təhvil verilib. Kimin narazılığı varsa, Şəhidlər Cəmiyyətinə müraciət etsin". Redaksiyadan: Hər halda jurnalistlə "ötür-ötür" oyunu oynayan bir qurumun şəhid ailəsi ilə hansı formada davrandığını təxmin etmək çətin deyil.
Geri qayıt |