TƏHSİL NAZİRİNDƏN YENİ TƏYİNAT – QHT rəhbəri

Təhsil naziri Ceyhun Bayramov İsrayıl İsgəndərovun Azərbaycan Dövlət Pedaqoji Universitetinin (ADPU) nəzdində fəaliyyət göstərən Bakı Pedaqoji Kollecinə direktor təyin olunması barədə əmr imzalayıb.

“AzPolitika.info”ya bu barədə məlumat təhsil sektorundakı mənbələrdən daxil olub.

Dosent İsrayıl İsgəndərov bu vəzifəyədək ADPU-nun Davamlı təhsil və təlim şöbəsinin müdiri vəzifəsində işləyib. Daha əvvəl isə o, hazırki ADPU rektoru Cəfər Cəfərovla birlikdə Turizm və Menecment Universitetində çalışıb. C.Cəfərov ADPU rektoru təyin olunandan sonra bu universitetə keçib.

Qeyd edək ki, İsrayıl İsgəndərov həm də QHT rəhbəridir.

Bakı Pedaqoji Kollecinin əvvəkli direktoru Qulu Novruzov bu yaxınlarda Gömrük Akademiyasının rəisi təyin olunub.