“Qarabağ” sabah qayıdır...
7-07-2015, 13:10
Sonuncu rəqib rusiyalılar olacaq.Ağdamın “Qarabağ” futbol klubunun Avstriyada keçdiyi təlim-məşq toplanışı sona yaxınlaşır.
Klubdan Oxu.Az-a verilən məlumata görə, iyunun 18-dən Kössen qəsəbəsində hazırlıqlarını sürdürən komanda dünən sonuncu məşqinə çıxıb.
“Qarabağ” yerli vaxtla 19:30-da (Bakı vaxtı ilə 22:30) Kössen qəsəbə stadionunda 90 dəqiqəlik çalışma yerinə yetirib.
Bu gün sonuncu yoxlama oyununa çıxacaq komandamızın rəqibi Rusiya “Lokomotiv”i olacaq.
Oyun Kössen qəsəbə stadionunda keçiriləcək. Oyunun başlama saatı 18:30-a (Azərbaycan vaxtıyla 21:30) nəzərdə tutulub.
Oyun “Qarabağ”ın rəsmi YouTube kanalı ilə canlı olaraq yayımlanacaq.
İyulun 8-də isə “Qarabağ” artıq Azərbaycana qayıdacaq.
Geri qayıt