Əsas Səhifə > Maqazin > “Avtomobil “mən ölüm-sən ölüm”ə

“Avtomobil “mən ölüm-sən ölüm”ə


23-11-2022, 17:06

“Avtomobil “mən ölüm-sən ölüm”ə baxmır”

Müğənni Manaf Ağayev aşıq Zülfiyyə İbadovanın avtomobil idarə etməsini pisləyib.

  Bu barədə o, “Günün sədası” verilişində danışıb.

M. Ağayev bildirib ki, Z. İbadova avtomobili yüksək sürətlə sürür: “Avtomobillə oynamaq olmaz. Rayona gedəndə sürücü radarın olmadığını bilib, nəqliyyat vasitəsini yüksək sürətlə idarə edəndə deyirəm, sürəti azalt. Ümumiyyətlə, sürətlə avtomobil idarə edənləri sevmirəm.

Bir dəfə Zülfiyyə xanımla yol getmişəm, həyatıma nifrət eləmişəm. Zülfiyyə xanım avtomobili yüksək sürətlə - 200 sürətlə sürürdü. Onda da biz toya gecikmişdik. Avtomobil “mən ölüm-sən ölüm”ə baxmır. Bir saniyə içində hər şey olur. Nəqliyyat vasitəsini bir az aşağı sürətlə sürmək lazımdır. O gedişlə bu gedişin arasında 10 dəqiqə vaxt var”. /“Qafqazinfo” 


Geri qayıt