“Habil müəllimə çox danışmaq olmaz” - Xalq artistinin həyat yoldaşı
30-03-2015, 10:47
“Habil müəllimin səhhəti normaldır. Sərbəst hərəkət edir və danışır. Ancaq biz yenə də onu çox danışmağa, mətbuata müsahibə verməyə, ən yaxınları ilə də çox ünsiyyətdə olmağa qoymuruq. Bununla Habil müəllimi qorumağa çalışırıq”.Bunu Modern.az saytına açıqlamasında xalq artisti, kaman ifaçısı Habil Əliyevin həyat yoldaşı Şərqiyyə Əliyeva bildirib.
Onun sözlərinə görə Novruz bayramı günlərində də qocaman sənətkarla çox adamın ünsiyyətdə olmasına imkan verməyiblər. Şərqiyyə xanım uzun müddətdir səhhətindən əziyyət çəkən xalq artistini yormamaq üçün belə etdiklərini deyir:
“Novruzda əsasən yaxın qohumlarımız Habil müəllimə baş çəkdilər. Kənardan zəng edənlər də oldu. Amma hələ ki ona müsahibə vermək, çox danışmaq olmaz”.
Geri qayıt