“Bir sərnişinin daşınmasının maya dəyəri 6 dollardır”

“Azərbaycanda dəmir yolu sahəsində sərnişindaşımada qiymət artımı gözlənilmir”.

“APA-Economics” xəbər verir ki, bunu “Azərbaycan Dəmir Yolları” QSC-nin sədri Cavid Qurbanov bildirib.
“Sərnişindaşımada qiymətlər müəyyənləşib, heç bir dəyişiklik olmayacaq. Bir daha deyirəm ki, ölkə başçısının tapşırığıdır və bu məsələlərə hələlik baxmırıq. Əslində, Bakı-Sumqayıt elektrik qatarı ilə 1 sərnişinin daşınmasının maya dəyəri 6 dollardır.

Biz isə 1 sərnişinə bileti 80 qəpiyə satırıq”, – deyə C. Qurbanov əlavə edib.