22.08.2014- Prokurordan deputatın qardaşı oğluna ömürlük cəza
22-08-2014, 16:22
Bu gün Bakı Ağır Cinayətlər Məhkəməsində “1001 gecə” restoranında qətl hadisəsi törətməkdə təqsirli bilinən Rəşad Mirələmovun işi üzrə növbəti məhkəmə iclası keçirilib.R.Mirələmovun vəkili Kamandar Nəsibov bildirib ki, prokuror təqsirləndirilən şəxsə ömürlük cəza istəyib: ”Prokurorun çıxışı heç nə ilə əsaslandırılmadı. Sanki bu ailə ilə şəxsi qərəzlik var. Ona görə də Rəşad Mirələmova belə ağır cəza tələb edildi”.
Qeyd edək ki, deputat Hüseynbala Mirələmovun qardaşı oğlu olan R.Mirələmov Ramal Bayramovu qəsdən öldürüb. O, Səməd Mənsimov və qeyrilərinin qəsdən öldürülməsinə cəhddə ittiham edilir.
Onun əvvəl törətdiyi cinayətə görə cəzasının çəkilməmiş qalan 8 ili də indiki cəzasına əlavə olunaraq ömürlük cəza tələb edilib.
Müdafiə tərəfinin çıxışı sentyabrın 2-də keçiriləcək məhkəmə iclasında olacaq (interpress.az).
Geri qayıt