Putin hücum

Donbasda Ukrayna hərbiçilərinin sərəncamında artıq ABŞ-dan çatdırılan letal (ölümcül) silahlar var.

Publika.az “Obozrevatel” nəşrinə istinadən xəbər verir ki, “BellingCat” layihəsinin Şərqi Avropa və Avrasiya məsələləri üzrə aparıcı tədqiqatçısı Arik Toler bildirib.

Onun sözlərinə görə, Ukraynaya ölümcül silahların çatdırılması ətrafında yaranan səs-küy təəccüblü görünür.

“Çoxlar “Javelin” tank əleyhinə raket komplekslərinin Ukraynaya satışı üzrə ABŞ hökumətinin rəsmi razılığı ətrafında səs-küy qaldırıb. Amma Donbasda cəbhə xəttində “Azov” batalyonu artıq ABŞ-dan çatdırılan ölümcül silahlara malikdir”, - o yazıb.

Tədqiqatçı bildirib ki, ABŞ-dan çatdırılan qumbaraatanlar isə artıq 2017-ci ilin iyulundan “Azov” döyüşçülərinin arsenalına daxil edilib.

Daha əvvəl jurnalist Yuri Butusov bildirib ki, ABŞ Ukrayna Silahlı qüvvələri və Milli Qvardiyasına “Barrett” M82 və M107 snayper tüfənglərini çatdırdıqdan sonra PSRL-1 əl qumbaraatanlarını göndərib.

Xatırladaq ki, ABŞ prezidenti Donald Trampın administrasiyası ötən ay Ukraynaya letal silahların, həmçinin “Javelin” tank əlehinə raketləri verilməsini bəyənib. Söhbət ümumi dəyəri 47 milyon dollar olan 210 tank əleyhinə raket və 35 raket sistemindən gedir.Daha əvvəl Dövlət Departamenti “Barrett M107A1” böyuk kalibrli snayper tüfəngləri, həmçinin onlar üçün döyüş sursatları və ehtiyat hissələrinin ixracına icazə verən ticarət lisenziyasını bəyənib. Onların ümumi dəyəri 41,5 milyon qiymətləndirilir.Rəsmi Moskva ABŞ-ın Ukrayna silah verəcəyi halda Donbas münaqişəsinin daha da gərginləşəcəyini dəfələrlə bəyan edib.