Əsas Səhifə > Slayd > BU GÜN CABBAROVA GENERAL RÜTBƏSİ VERİLƏ BİLƏR
BU GÜN CABBAROVA GENERAL RÜTBƏSİ VERİLƏ BİLƏR11-02-2018, 14:39 |
Bu gün vergi xidməti işçilərinin peşə bayramıdır. “AzPolitika.info” xatırladır ki, Azərbaycan Respublikası Prezidentinin sərəncamı iıə hər il fevralın 11-i—Azərbaycan Respublikası Vergilər Nazirliyinin yaradıldığı gün vergi xidməti işçilərinin peşə bayramı günü kimi qeyd olunur. Əlbəttə, Vergilər Nazirliyində kimlərin yeni rütbələrlə və fəxri adlarla təltif olunacağı prezidentin sərəncamlarından sonra məlun olacaq. “AzPolitika.info”nun əldə etdiyi məlumata görə, yeni vergilər naziri Mikayıl Cabbarov da yeni rütbə ilə təltif edilənlər arasında olacaq. Məlum olduğu kimi, Mikayıl Cabbarov nazir təyin olunsa da, ona rütbə verilməmişdi. Halbuki, sabiq vergilər naziri Fazil Məmmədov I dərəcəli dövlət vergi xidməti müşaviri idi ki, bu da general-polkovnik sayılır. Hazırda Vergilər Nazirliyində rəhbər vəzifələrdə çalışanların əksəriyyəti general rütbəsi daşıyır. Buna görə də, Mikayıl Cabbarova da general rütbəsi verilməsi gözlənilir. Qeyd edək ki, I dərəcəli dövlət vergi xidməti müşaviri general-polkovnik, II dərəcəli dövlət vergi xidməti müşaviri general-leytenant, III dərəcəli dövlət vergi xidməti müşaviri general-mayor sayılır. Mikayıl Cabbarova veriləcək övlət vergi xidməti müşaviri dərəcəsi onun rütbəsini də müəyyən edəcək. AzPolitika.info Geri qayıt |