11.03.2014. - Ərdoğan daha bir generalı həbsdən buraxdı
11-03-2014, 15:42
Türkiyədə şərti adı "Ergenekon" olan dövlət çevrilişinə hazırlıqla bağlı iş üzrə həbs edilən daha bir general azadlığa çıxıb.AzerTaym.az saytı bildirir ki, bu xəbəri Türkiyənin "Anadolu" agentliyi yayıb.
Xəbərdə deyilir ki, Ağır Cinayətlər üzrə 21-ci İstanbul Məhkəməsi həbs edilmiş general Xurşit Tolonu azad etmək barədə qərar çıxarıb. İstanbul məhkəməsi dövlət çevrilişinə cəhddə ittiham olunan 13 məhkumu dünən - martın 10-da azadlığa buraxıb. Onlar arasında vəkil Kamal Kerinçsiz, jurnalist Tuncay Özkan, hərbçilər, yazıçı və publisistlər olub.
Yada salaq ki, martın 7-də İstanbulun Ağır Cinayətlərə dair Məhkəməsi hərbi çevrilişlə bağlı cinayət işi üzrə ömürlük həbs cəzasına məhkum edilən Türkiyə Silahlı Qüvvələri Baş Qərargahının sabiq rəisi general İlkər Başbuğu azad edib. Məhkəmə 2006-ci ildə Türkiyədə hərbi çevriliş cəhdi ilə əlaqədar "Ergenekon" təşkilatını terror təşkilatı kimi tanıyıb.
Geri qayıt