İŞİD-in azərbaycanlı Əmiri öldürüldü - FOTO
23-10-2014, 11:17
Koalisiya qüvvələrinin Kobaniyə hava hücumu zamanı İŞİD-in Qafqaz əmiri, azərbaycanlı Rövşən Bədəlov qətlə yetirilib."AzerTaym.az"-ın məlumatına görə, 50 yaşlı Bədəlov mücahidlər arasında "Xalid Azəri" ləqəbilə tanınır.
Hava hücumu zamanı Xalid Azərinin 25 "əsgəri"nin də həlak olduğu bildirilir.
Bədəlov kimdi?
1964-cü ildə Tərtər rayonunda andan olub. Dindar həyatından əvvəl siyasətlə məşğul olub. Hətta Milli Azadlıq Hərəkatının fəal iştirakçılarından olub,1992-ci il may hadisələri zamanı xüsusi fəallığı ilə seçilib.
1992-93-cü illərdə DİN-in Xüsusi Rotasının komandiri olub.İşlədiyi müddətdə də vətənpərvərliyi,cəsurluğu ilə hər zaman bir hərbçi kimi şəxsi heyət arasında fərqlənib.
2000 – 2001-ci illərdə Rusiya – Çeçenistan müharibəsinin arxa cəbhəsi hesab olunan Pankisi ərazisində “Tabuk” adlı qrupa rəhbərlik edib.
2001 – 2002-ci illərdə dəstəsi ilə birlikdə Azərbaycana qayıdaraq Qarabağda döyüşmək istəyən Bədəlov həbs olunaraq 10 il azadlıqdan məhrum edilib.
2013-cü ildə həbsdən çıxan Rövşən Bədəlov 1 ay sonra Suriyaya gedib. Aralarında azərbaycanlıların da olduğu qafqazlılardan ibarət “Tabuk” qrupunu yaradan Bədəlov daha sonra İŞİD-ə qoşulub.
Hərbi bacarığına və döyüş təcrübəsinə görə, qısa müddət ərzində Qafqaz əmiri vəzifəsinə qədər yüksəlib.
Geri qayıt