"1 manatlıq" taksilərlə bağlı - Yol polisindən AÇIQLAMA

"1 manatlıq" taksilərlə bağlı - Yol polisindən AÇIQLAMA

Yolunuz azı bir dəfə Xırdalan, Masazır, Sumqayıt və Hövsana düşübsə, el arasında "1 manatlıq" adlanan taksilərlə mütləq qarşılaşmısınız deməkdir.

Daha çox metronun 20 Yanvar və 28 May stansiyalarının yaxınlığında yerləşən bu taksilər qeyd olunan istiqamətlər üzrə sərnişin daşıyırlar.

Məsələni problemə çevirən məqam isə istənilən şəxsin bu xidməti həyata keçirə bilməsidir.

Qeyd olunan məsələ ilə bağlı Metbuat.az-a açıqlama verən Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov bildirib ki, taksi fəaliyyəti ilə məşğul olanlar yalnız Bakı Nəqliyyat Agentliyinin yaratdığı şərait üzrə hərəkət etməlidir:

"Yol polisi tərəfindən saxlanılan nəqliyyat vasitəsinin sürücüsü hər hansı bir xətaya yol verirsə, yol polisi tərəfindən protokol tərtib edilir, edilmiş protokol əsasında sürücü cərimələnir. Beləliklə, xətaların qarşısı alınır. Eyni zamanda, təbliğat işləri aparılır, Kütləvi İnformasiya Vasitələrində məlumat yayılır. Kimsə qeyri-qanuni 1-2 manatlıq taksi xidməti ilə məşğul olursa, yaxşı hal deyil. Taksi fəaliyyəti ilə məşğul olanlar yalnız Bakı Nəqliyyat Agentliyinin yaratdığı şərait üzrə hərəkət etməli, sərnişindaşıma ilə məşğul olmalıdır. 1-2 manatlıq taksilər Yol hərəkəti haqqında Qanunun tələbini pozursa, bu, yol polisi tərəfindən aşkarlanır və inzibati məsuliyyətə cəlb edilir. Bu gün Bakı şəhəri üzrə müsbət göstəricilər bu ifadəni söyləməyə əsas verir. Ən azından yol polisinin məqsədli və davamlı keçirdiyi tədbirlər yol hərəkətində mədəniyyət səviyyəsinin formalaşmasına birbaşa təsir göstərir. Əvvəllər metronun Əzizbəyov stansiyasında da bu kimi hallara rast gəlinirdi. Müəyyən tədbirlər görüldükdən sonra onun qarşısı alındı".






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi