`Bloomberg` agentliyi 2016-cı ildə müəyyən hadisələrin baş verəcəyi təqdirdə reallaşa biləcək hadisələrin siyahısını yayımlayıb.

AzVision.az Rusiya KİV-nə istinadən xəbər verir ki, ekspertlərin siyahısına əsasən belə hadisələrdən biri neftin bir barelinin qiymətinin 100 dollaradək qalxa bilməsi ehtimalıdır.

Bu cür ssenari İŞİD-in Yaxın Şərqdə neft sənayesinin əsas infrastruktur obyektlərinə hücum edəcəyi və ya OPEK-in Venesuela və Əlcəzair kimi üzv ölkələrində siyasi vəziyyətin gərginləşəcəyi təqdirdə baş tuta bilər. Bu hadisələr 2016-cı ildə dünya bazarında neftin çatışmazlığına və enerji daşıyıcılarına tələbatın qəfil artmasına gətirib çıxaracaq. 

Bundan başqa, bu cür ssenarinin baş verəcəyi təqdirdə alternativ enerji mənbələrinə sərmayələrin həcminin də xeyli artacağı proqnozlaşdırılır.