Rabitə və Yüksək Texnologiyalar Nazirliyi ilə "Bakinternet” rəhbərliyi prezidentə qarşı sabotajla məşğuldur.

Yeni nazir Ramin Quluzadə və "Bakinternet” rəhbəri dövlət başçısı İlham Əliyevin daxili siyasi kursuna zidd getməkdədir. 

Vətəndaşlar qaz, su, işıq və digər kommunal borcları ay ərzində istədiyi gün ödəniş edə bilir. Əgər vətəndaş gecikdirirsə, o halda kommunikasiya kəsilə bilər. Ramin Quluzadə və "Bakinternet” rəhbəri isə heç bir əsası olmadan vətəndaşlara ayın 6-dək möhlət qoyur. 
Bu biabırçılıqdır və qanunsuzluq, dərəbəylikdir. Hansı əsasla vətəndaşın internet xətti 6-dən sonrakı tarixdə kəsilir? Abunəçi ay ərzində istədiyi zaman ödəniş etmək hüququna malikdir. Necə ki dünənə qədər belə olub. 
Yeni nazir isə Əli Abbasovun etmədiyi qanunsuzluğu etməkdədir. Bu birbaşa İlham Əliyevə qarşı təxribatdır. 
Abunəçilər hesab edirlər ki, prezident dərhal bununla bağlı ölçü götürməlidir. Heç bir nazirlik vətəndaşın başına belə oyun açmır. Üstəlik, ödəniş etdikdən uzun müddət sonra internet xidməti bərpa olunur. 
MTN işinə görə vəzifəsindən azad olunmuş Ə.Abbasovun dövründə insafən, belə qanunsuz qərar verilməmişdi. Hətta MTN bandasındakı quldurlar və vergi müfəttişləri insanlara qarşı bu formada özbaşınalıq etməyib. 
İqtisadi böhranın ağırlaşdığı və xalqın maddi vəziyyətinin getdikcə pisləşdiyi zamanda verilən bu qərar birbaşa prezident İlham Əliyevə, Prezident Administrasiyasının siyasi kursuna, xalqa və dövlətə qarşı addımdır. 
Nə Azərsu, nə Azəriqaz, nə Azərişıq və digər kommunal sahələrdə vətəndaşın qarşısında öhdəlik qoyulmayıb ki, ayın 6-dək borc ödənilməlidir. R.Quluzadə və "Bakinternet” rəhbəri isə hansı qanuna istinad edib anlaşılan deyil. 
Nazir və internet xidməti rəhbərliyi abunəçilərin hazırkı durumunu nəzərə almaq, qiymətləri ucuzlaşdırmaq əvəzinə, (çünki dünyanın hər yerində itnernet inkişaf edir, ucuzlaşır) soyğunçuluqla məşğuldur.