Çində bir şəxs avtomobilini insanların üzərinə sürəndən sonra onları bıçaqlamağa çalışıb. Olayda 43 nəfər yaralanıb, 9 nəfər həlak olub.

Olay Çinin Hunan vilayətindəki Henyan şəhərində yaşanıb.

Qırmızı Range Rover-in sükanı arxasında olan şəxs qəflətən avtomobili şəhərin mərkəzi meydanındakı piyada zonasına sürüb.

Maşını ilə insanları vurub əzən, yerə sərən sürücü avtomobili saxlayıb, düşüb, sonra da qarşısına keçəni bıçaqlamağa başlayıb.

Polis manyak sürücünü tutub. O, əvvəllər yanğın törətmək və narkotik maddələr satmaqda suçlanaraq dəfələrlə həbs edilmiş 54 yaşlı Yan Szanyuandır.

milli.az