16.08.2014- R.Hacılının MHİ-si bağlanır...
Media Hüququ İnstitutu (MHİ) fəaliyyətini dayandırmaq ərəfəsindədir.
Qurum avqustun 15-də yaydığı məlumatda belə bir addım atmasını QHT-lərin ağır durumu ilə əlaqələndirir.
Virtualaz.org xəbər verir ki, Rəşid Hacılının rəhbərlik etdiyi MHİ-nin yaydığı məlumatda bildirirlir: "Son dönəmdə MHİ-nin fəaliyyətlərini dəstəkləyən donorlarla əlaqələrdə problemlər yaranıb, Bu problemlərin çözülməsi güman olunmur. Bu səbəbdən MHİ yəqin ki, apardığı məhkəmə işləri üzrə fəaliyyətləri davam etdirə bilməyəcək və çox güman ki, yaxın günlərdə bu sahədə fəaliyyətini dayandırmalı olacaq.
Rəşid Hacılının rəhbərlik etdiyi MHİ fəaliyyətini dayandırır
Bir neçə jurnalist, o cümlədən, müstəqil jurnalistlərdən Xədicə İsmayılova, Şahvələd Çobanoğlu Media Hüququ İnstitutunun, eləcə də MHİ ilə əməkdaşlıq etmiş hüquqşünasların hüquq xidmətlərindən imtina barədə açıqlama veriblər. MHİ həmin jurnalistlərin 10-dan çox işini Avropa Məhkəməsinə hazırlayıb. Yerli məhkəmələrdə də bir neçə işləri var. Bu işlər MHİ tərəfindən yüksək səviyyədə aparılıb. Ancaq MHİ-dən və onunla əməkdaşlıq etmiş hüquqşünaslardan imtina adıçəkilən jurnalistlərin seçimidir və onlar qısa zamanda məhkəmə işləri ilə bağlı sənədləri MHİ-nin ofisindən götürə bilərlər".
