Amerikanın “Politico” qəzeti analitiklərin fikirlərinə istinad edərək bildirir ki, Rusiyanın Ukraynaya işğal hücumu fevralın 20-dən sonra başlaya bilər.

  Publika.az xəbər verir ki, nəşrin yazdığına görə, fevralın 20-dən sonrakı dövr xüsusi diqqət çəkir, çünki o zaman soyuq müharibədən bəri ən böyük hərbi təlimlərin yekunlaşacağı gözlənilir.

Bundan sonra qoşunlarının vətənə qayıdacağına dair söz verilmişdi. Analitiklər qəzetə bildiriblər ki, fevralın 20-dən sonra Rusiya qüvvələrinin hərəkətləri Moskvanın əsl niyyətini anlamağa kömək edəcək.

Nəşr yazır ki, fevralın 20-nə xüsusi diqqət yetirmək üçün başqa səbəblər də var, çünki Ukrayna prezidenti Vladimir Zelenskinin, ABŞ vitse-prezidenti Kamala Harris və ABŞ dövlət katibi Entoni Blinkenin iştirak edəcəyi Münhen Təhlükəsizlik Konfransı məhz bu gündə başa çatır: “ABŞ-ın nüfuzlu şəxslərinin Avropada olduğu və Ukrayna liderinin ölkədən kənarda olduğu bir vaxtda yəqin ki, Putin işğala başlamaz. Fevralın 20-si Pekin Qış Olimpiya Oyunlarının son günüdür və bu, bəzilərini Rusiya Federasiyasının Çin lideri Si Cinpini sevindirmək üçün bağlanış mərasimindən əvvəl işğala başlamayacağına inandırır”.

Qəzet qeyd edir ki, əgər martın 1-nə qədər hücum baş verməsə, çoxları rahat nəfəs ala biləcəklər. Lakin ABŞ-ın keçmiş kəşfiyyatçısı Andrea Kendall-Taylor hesab edir ki, o zaman da təhlükənin keçdiyini düşünmək olmaz.

Fevralın 15-də Britaniyanın “The Sun” və “The Mirror” qəzetləri yazıb ki, Rusiya Müdafiə Nazirliyinin təlimlərdən sonra qoşunların çıxarılması ilə bağlı bəyanatlarına baxmayaraq, “Ukraynaya müdaxilənin” çərşənbə gecəsi planlaşdırıldığı iddia edilirdi. İşğal baş vermədikdə, “The Sun” sadəcə olaraq saytdakı məqaləsini redaktə edib. Düzəliş edilmiş mətndə müəlliflər Ukraynaya işğalın dəqiq vaxtını onun “istənilən vaxt” başlaya biləcəyi faktı ilə əvəz ediblər. Ukrayna ətrafında vəziyyəti gərginləşdirmək üçün Rusiyaya aid edilən planlar isə rəsmi Moskva tərəfindən qəti şəkildə rədd edilir və heç kimi təhdid etmədiklərini daim bəyan.